jati nahin hai uski mahak tak lihaf se
jaatī nahīñ hai us kī mahak tak lihāf se
aa.ī thī ek baar parī koh-e-qāf se
āñkhoñ meñ raushnī kā samundar umaD paḌā
jaise hī us badan ko nikālā ġhilāf se
tujh ko kabhī bhī merī zarūrat nahīñ rahī
māyūs ho gayā huuñ maiñ is inkishāf se
tujh se hameñ shadīd mohabbat hai is liye
karte haiñ ittifāq tire iḳhtilāf se
ye soch kar bhī chhat kī marammat na kī 'zakī'
taaza havā to aatī rahegī shigāf se
jati nahin hai us ki mahak tak lihaf se
aai thi ek bar pari koh-e-qaf se
aankhon mein raushni ka samundar umaD paDa
jaise hi us badan ko nikala ghilaf se
tujh ko kabhi bhi meri zarurat nahin rahi
mayus ho gaya hun main is inkishaf se
tujh se hamein shadid mohabbat hai is liye
karte hain ittifaq tere iKHtilaf se
ye soch kar bhi chhat ki marammat na ki 'zaki'
taza hawa to aati rahegi shigaf se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
