jab aainon ko bhi dhundla dikhai dene laga

jab ā.inoñ ko bhī dhuñdlā dikhā.ī dene lagā

maiñ apne aap hī apnī safā.ī dene lagā

sadā ġharīb kī aa.e kahāñ se kānoñ tak

amīr-e-shahr ko ūñchā sunā.ī dene lagā

ḳhatā ye us kī nahīñ thī sila bhalā.ī kā thā

vo jaate vaqt jo mujh ko burā.ī dene lagā

muḳhālifoñ ko mire fat.h kyoñ na hotī nasīb

mire ḳhilāf gavāhī jo bhaa.ī dene lagā

marīz-e-hijr huuñ ārām vasl se hogā

tabīb kyā mire ġham kī davā.ī dene lagā

shab-e-firāq jo tanhā.iyoñ ne tang kiyā

maiñ apne yaar ko 'faisal' duhā.ī dene lagā

jab aainon ko bhi dhundla dikhai dene laga

main apne aap hi apni safai dene laga

sada gharib ki aae kahan se kanon tak

amir-e-shahr ko uncha sunai dene laga

KHata ye us ki nahin thi sila bhalai ka tha

wo jate waqt jo mujh ko burai dene laga

muKHalifon ko mere fath kyon na hoti nasib

mere KHilaf gawahi jo bhai dene laga

mariz-e-hijr hun aaram wasl se hoga

tabib kya mere gham ki dawai dene laga

shab-e-firaq jo tanhaiyon ne tang kiya

main apne yar ko 'faisal' duhai dene laga