jab aasman ne nanhe parindon ko par diye

jab āsmāñ ne nanhe parindoñ ko par diye

zālim havā ne tiir bhī ham-rāh kar diye

is gulsitāñ se fāḳhta parvāz kar ga.ī

mausam ne shāḳh-sār bhī kāñToñ se bhar diye

har shaḳhs ahd-e-jabr meñ harf-e-duā huā

hoñToñ ko hādsāt ne kyā kyā hunar diye

apnī nigah ke aa.ine sūraj ko sauñp kar

ham ne bhī kā.enāt ko ā.īna-gar diye

phir āsmāñ ke auj se shabnam 'atā huī

phir merī pastiyoñ ne mujhe bahr-o-bar diye

jab aasman ne nanhe parindon ko par diye

zalim hawa ne tir bhi ham-rah kar diye

is gulsitan se faKHta parwaz kar gai

mausam ne shaKH-sar bhi kanTon se bhar diye

har shaKHs ahd-e-jabr mein harf-e-dua hua

honTon ko hadsat ne kya kya hunar diye

apni nigah ke aaine suraj ko saunp kar

hum ne bhi kaenat ko aaina-gar diye

phir aasman ke auj se shabnam 'ata hui

phir meri pastiyon ne mujhe bahr-o-bar diye