jab apne-ap ko malbus mein chhupaya tha

jab apne-āp ko malbūs meñ chhupāyā thā

tamām shahr ko ham ne barahna paayā thā

na apnī sub.h kī ḳhushiyāñ na apnī shaam kā ġham

hamāre paas to jo kuchh thā vo parāyā thā

talāsh kartī hai jis ko tumhārī rāhguzar

vo maiñ nahīñ thā mirī justujū kā saaya thā

vo hañs rahā thā magar ashk-e-ġham na rok sakā

zarā sī baat pe jis ne hameñ rulāyā thā

'ajīb moḌ thā tark-e-ta'alluqāt kā vo

jab apne-āp se ham ne fareb khāyā thā

dhuāñ dhuāñ thī fazā gard gard thā manzar

dhuñdalkā shaam kā jis din sahar pe chhāyā thā

jab apne-ap ko malbus mein chhupaya tha

tamam shahr ko hum ne barahna paya tha

na apni subh ki KHushiyan na apni sham ka gham

hamare pas to jo kuchh tha wo paraya tha

talash karti hai jis ko tumhaari rahguzar

wo main nahin tha meri justuju ka saya tha

wo hans raha tha magar ashk-e-gham na rok saka

zara si baat pe jis ne hamein rulaya tha

'ajib moD tha tark-e-ta'alluqat ka wo

jab apne-ap se hum ne fareb khaya tha

dhuan dhuan thi faza gard gard tha manzar

dhundalka sham ka jis din sahar pe chhaya tha