jab bhi aap mujhe yaad aae

jab bhī aap mujhe yaad aa.e

phuul nigāhoñ meñ lahrā.e

aap mile to aañkh bhar aa.ī

aap ga.e to ġham ghar aa.e

dīvānoñ kī baat hī kyā hai

ek hañsā.e ek rulā.e

dil ko phir bhī chain na aayā

ham ne yūñhī ġham apnā.e

aisā vaqt bhī aayā aksar

apnī bātoñ se sharmā.e

jab bhi aap mujhe yaad aae

phul nigahon mein lahrae

aap mile to aankh bhar aai

aap gae to gham ghar aae

diwanon ki baat hi kya hai

ek hansae ek rulae

dil ko phir bhi chain na aaya

hum ne yunhi gham apnae

aisa waqt bhi aaya aksar

apni baaton se sharmae