jab bhi arman tere KHwab se juD jate hain

jab bhī armān tire ḳhvāb se juḌ jaate haiñ

sūkhte zaḳhm bhī zardāb se juḌ jaate haiñ

nāḳhudā kaise bachā.egā kisī kashtī ko

ḳhud kināre hī jo girdāb se juḌ jaate haiñ

ashk bahte haiñ nadāmat ke jo tārīkī meñ

besh-qīmat dur-e-nāyāb se juḌ jaate haiñ

ahl-e-‘irfāñ kī rifāqat se muqaddar chamke

ham se darvesh bhī alqāb se juḌ jaate haiñ

chāñd par baiTh ke likhte haiñ ġhazal jānāñ par

jab bhī arbāb-e-suḳhan ḳhvāb se juḌ jaate haiñ

yaad aatā hai jo pal bhar ko use kyā mā'lūm

kitne sadme dil-e-betāb se juḌ jaate haiñ

shā'irī siikh liyā karte haiñ tuk-band ka.ī

jab bhī vo mahfil-e-'shādāb' se juḌ jaate haiñ

jab bhi arman tere KHwab se juD jate hain

sukhte zaKHm bhi zardab se juD jate hain

naKHuda kaise bachaega kisi kashti ko

KHud kinare hi jo girdab se juD jate hain

ashk bahte hain nadamat ke jo tariki mein

besh-qimat dur-e-nayab se juD jate hain

ahl-e-‘irfan ki rifaqat se muqaddar chamke

hum se darwesh bhi alqab se juD jate hain

chand par baiTh ke likhte hain ghazal jaanan par

jab bhi arbab-e-suKHan KHwab se juD jate hain

yaad aata hai jo pal bhar ko use kya ma'lum

kitne sadme dil-e-betab se juD jate hain

sha'iri sikh liya karte hain tuk-band kai

jab bhi wo mahfil-e-'shadab' se juD jate hain