jab bhi ghar ke andar dekhne lagta hun
jab bhī ghar ke andar dekhne lagtā huuñ
khiḌkī khol ke bāhar dekhne lagtā huuñ
tanhā.ī meñ aisā bhī kabhī hotā hai
ḳhud ko bhī maiñ chhū kar dekhne lagtā huuñ
haath koī jab ā.ankhoñ par aa rakhtā hai
kaise kaise manzar dekhne lagtā huuñ
pahle dekhtā huuñ maiñ kumak ḳhayāloñ kī
phir lafzoñ ke lashkar dekhne lagtā huuñ
dekh dekh ke us ko jī nahīñ bhartā to
bāñhoñ meñ phir bhar kar dekhne lagtā huuñ
din bujh jaa.e to phir taare taare meñ
ḳhud ko 'shāz' munavvar dekhne lagtā huuñ
jab bhi ghar ke andar dekhne lagta hun
khiDki khol ke bahar dekhne lagta hun
tanhai mein aisa bhi kabhi hota hai
KHud ko bhi main chhu kar dekhne lagta hun
hath koi jab aaankhon par aa rakhta hai
kaise kaise manzar dekhne lagta hun
pahle dekhta hun main kumak KHayalon ki
phir lafzon ke lashkar dekhne lagta hun
dekh dekh ke us ko ji nahin bharta to
banhon mein phir bhar kar dekhne lagta hun
din bujh jae to phir tare tare mein
KHud ko 'shaz' munawwar dekhne lagta hun
- Book : khamoshi ki khidkii se (Pg. 95)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
