jab bhi jaan-e-bahaar milta hai
jab bhī jān-e-bahār miltā hai
dil ko sabr-o-qarār miltā hai
baat dil kī jo ho to kyuuñ kar ho
vo sar-e-rahguzār miltā hai
yaad kuchh qāfiloñ kī aatī hai
jab bhī uḌtā ġhubār miltā hai
nazm-e-gulshan meñ kuchh to hai ḳhāmī
har koī sogvār miltā hai
bāda-e-talḳh meñ kahāñ hamdam
jo nazar meñ ḳhumār miltā hai
rahravoñ ke ḳhulūs se aksar
manziloñ ko vaqār miltā hai
jab bhi jaan-e-bahaar milta hai
dil ko sabr-o-qarar milta hai
baat dil ki jo ho to kyun kar ho
wo sar-e-rahguzar milta hai
yaad kuchh qafilon ki aati hai
jab bhi uDta ghubar milta hai
nazm-e-gulshan mein kuchh to hai KHami
har koi sogwar milta hai
baada-e-talKH mein kahan hamdam
jo nazar mein KHumar milta hai
rahrawon ke KHulus se aksar
manzilon ko waqar milta hai
- Book : SAAZ-O-NAVA (Pg. 78)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
