jab bhi kisi ka ahd-e-wafa yaad aa gaya

jab bhī kisī kā ahd-e-vafā yaad aa gayā

dil par paḌī vo choT ḳhudā yaad aa gayā

jab bhī salīb-o-dār kā qissa huā bayāñ

shahr-e-sitam kā mard-e-vafā yaad aa gayā

muddat ke baad un se mulāqāt kyā huī

ek ek harf ḳhud kā likhā yaad aa gayā

kyoñ chashm-e-nam haiñ aap mirī samt dekh kar

kyā rafta-rafta bujhtā diyā yaad aa gayā

bazm-e-suḳhan meñ jab bhī chalī fikr-o-fan kī baat

naamī ke saath saath humā yaad aa gayā

us paikar-e-jamāl ke aate hī bazm meñ

kaisā huā thā hashr bapā yaad aa gayā

maiñ bhuul kar bhī bhuul na paayā vo hādse

mar-mar ke kaise jiinā paḌā yaad aa gayā

dushvārī-e-hayāt se jab bhī milī najāt

maañ kā shafīq dast-e-duā yaad aa gayā

chheḌī hai 'shauq' mīThe tarannum meñ kyā ġhazal

ik shaḳhs mujh ko shīrīñ-navā yaad aa gayā

jab bhi kisi ka ahd-e-wafa yaad aa gaya

dil par paDi wo choT KHuda yaad aa gaya

jab bhi salib-o-dar ka qissa hua bayan

shahr-e-sitam ka mard-e-wafa yaad aa gaya

muddat ke baad un se mulaqat kya hui

ek ek harf KHud ka likha yaad aa gaya

kyon chashm-e-nam hain aap meri samt dekh kar

kya rafta-rafta bujhta diya yaad aa gaya

bazm-e-suKHan mein jab bhi chali fikr-o-fan ki baat

nami ke sath sath huma yaad aa gaya

us paikar-e-jamal ke aate hi bazm mein

kaisa hua tha hashr bapa yaad aa gaya

main bhul kar bhi bhul na paya wo hadse

mar-mar ke kaise jina paDa yaad aa gaya

dushwari-e-hayat se jab bhi mili najat

man ka shafiq dast-e-dua yaad aa gaya

chheDi hai 'shauq' miThe tarannum mein kya ghazal

ek shaKHs mujh ko shirin-nawa yaad aa gaya