jab bhi main KHud se ub jata hun

jab bhī maiñ ḳhud se uub jaatā huuñ

'mīr'-sāhib ko gungunātā huuñ

jhuuT kyuuñ sūiyāñ chubhotā hai

aañkh jab sach se maiñ churātā huuñ

vaar kartā huuñ jab ḳhalāoñ meñ

jhūmtā aur muskurātā huuñ

jab kabhī jī zarā sañbhaltā hai

kuchh na.e dard DhūñD laatā huuñ

ḳhvāb palkoñ pe ruk nahīñ paate

kaun aatā hai chauñk jaatā huuñ

roz mujh ko vo yaad aatā hai

roz maiñ ḳhud ko bhuul jaatā huuñ

āsmāñ tak uḌaan hai merī

maiñ bhalā kis ke haath aatā huuñ

jab bhi main KHud se ub jata hun

'mir'-sahib ko gungunata hun

jhuT kyun suiyan chubhota hai

aankh jab sach se main churaata hun

war karta hun jab KHalaon mein

jhumta aur muskuraata hun

jab kabhi ji zara sanbhalta hai

kuchh nae dard DhunD lata hun

KHwab palkon pe ruk nahin pate

kaun aata hai chaunk jata hun

roz mujh ko wo yaad aata hai

roz main KHud ko bhul jata hun

aasman tak uDan hai meri

main bhala kis ke hath aata hun