jab bhi mauzu’-e-suKHan apne asar tak pahunche

jab bhī mauzū’-e-suḳhan apne asar tak pahuñche

moḌ do baat agar tīr-o-tabar tak pahuñche

tazkira jab bhī chhiḌā gaañv ke chaupāloñ kā

dil ke ḳhvābīda ḳhayālāt bhī ghar tak pahuñche

ādmiyyat kī hai is daur meñ me'rāj yahī

us kī har jumbish-e-lab husn-e-nazar tak pahuñche

zindagī ek nahīñ laakh umīdoñ kā bharam

maut nā-kāmi-e-hālāt ke dar tak pahuñche

lauT aatā hai jahāñ jā ke ḳhayāloñ kā hujūm

shahr-e-bedād kī us rāhguzar tak pahuñche

baat niklī jo tire 'ahd-e-javānī kī kabhī

hausle gaañv kī ḳhvābīda Dagar tak pahuñche

sab to raahī haiñ usī rāhguzar ke 'bismil'

kis kī jur.at hai mirī gard-e-safar tak pahuñche

jab bhi mauzu’-e-suKHan apne asar tak pahunche

moD do baat agar tir-o-tabar tak pahunche

tazkira jab bhi chhiDa ganw ke chaupalon ka

dil ke KHwabida KHayalat bhi ghar tak pahunche

aadmiyyat ki hai is daur mein me'raj yahi

us ki har jumbish-e-lab husn-e-nazar tak pahunche

zindagi ek nahin lakh umidon ka bharam

maut na-kaami-e-haalat ke dar tak pahunche

lauT aata hai jahan ja ke KHayalon ka hujum

shahr-e-bedad ki us rahguzar tak pahunche

baat nikli jo tere 'ahd-e-jawani ki kabhi

hausle ganw ki KHwabida Dagar tak pahunche

sab to rahi hain usi rahguzar ke 'bismil'

kis ki jurat hai meri gard-e-safar tak pahunche