jab bhi palkon se teri band kiya darwaza

jab bhī palkoñ se tirī band kiyā darvāza

ek mauhūm sī dastak se khulā darvāza

Dar se dīvār pe ik 'aks ubhar kar aayā

jab tirī yaad ne dil par thā likhā darvāza

is qadar tund havā thī ki raqīboñ ne ai dost

chāk-dāman kī tarah band kiyā darvāza

kyoñ dilāsa na diyā tū ne mire girya-guzār

kyoñ mire siina pe rakh chhoḌ diyā darvāza

āfrīñ chashm-e-mohabbat pe maiñ is baar rafīq

'aks hote hue is baar jalā darvāza

dekh ab ġhaur se dekh aa ke mujhe mere 'nadīm'

maiñ huuñ dīvār meñ aur mujh meñ lagā darvāza

jab bhi palkon se teri band kiya darwaza

ek mauhum si dastak se khula darwaza

Dar se diwar pe ek 'aks ubhar kar aaya

jab teri yaad ne dil par tha likha darwaza

is qadar tund hawa thi ki raqibon ne ai dost

chaak-daman ki tarah band kiya darwaza

kyon dilasa na diya tu ne mere girya-guzar

kyon mere sina pe rakh chhoD diya darwaza

aafrin chashm-e-mohabbat pe main is bar rafiq

'aks hote hue is bar jala darwaza

dekh ab ghaur se dekh aa ke mujhe mere 'nadim'

main hun diwar mein aur mujh mein laga darwaza