jab bhi tahzib-e-junun ke sath diwana chala

jab bhī tahzīb-e-junūñ ke saath dīvāna chalā

pīchhe pīchhe sāya-e-gesū-e-jānāna chalā

iltifāt-e-nāz kā mauqa to aaya thā magar

haath se patthar bhī un ke be-niyāzāna chalā

sham-e-mahfil be-zabāñ hai varna khul jaatā bharam

kyā kaheñ kis rang meñ yāroñ kā afsāna chalā

rang-o-bū ko paañv chhūne kī tamanna rah ga.ī

mere qadmoñ se lipaT kar yuuñ bhī vīrāna chalā

e.atibār-e-jalva-e-manzil hai us kā naqsh-e-pā

jo har ik naqsh-e-qadam se ho ke begāna chalā

muntazir haiñ log lekin chashm-e-sāqī kī qasam

maiñ to ik sāġhar meñ pī kar saarā mai-ḳhāna chalā

ham to do din saath bhī the varna ai 'jauhar' yahāñ

sang aur shīshe meñ kitnī der yārāna chalā

jab bhi tahzib-e-junun ke sath diwana chala

pichhe pichhe saya-e-gesu-e-jaanana chala

iltifat-e-naz ka mauqa to aaya tha magar

hath se patthar bhi un ke be-niyazana chala

sham-e-mahfil be-zaban hai warna khul jata bharam

kya kahen kis rang mein yaron ka afsana chala

rang-o-bu ko panw chhune ki tamanna rah gai

mere qadmon se lipaT kar yun bhi virana chala

eatibar-e-jalwa-e-manzil hai us ka naqsh-e-pa

jo har ek naqsh-e-qadam se ho ke begana chala

muntazir hain log lekin chashm-e-saqi ki qasam

main to ek saghar mein pi kar sara mai-KHana chala

hum to do din sath bhi the warna ai 'jauhar' yahan

sang aur shishe mein kitni der yarana chala