jab bhi un ka KHayal aaya hai

jab bhī un kā ḳhayāl aayā hai

dil pe kaif-o-surūr chhāyā hai

log phūloñ ko bhī masalte haiñ

ham ne kāñToñ se ghar sajāyā hai

yuuñ to ḳhushiyāñ bhī thiiñ mohabbat meñ

dard hī dil ke kaam aayā hai

har ḳhushī ek ḳhvāb ho jaise

zindagī jaise koī saaya hai

saarā aalam nashe meñ Duub gayā

tum ne āñkhoñ se kyā pilāyā hai

uf tarāshā huā hasīn badan

ḳhud ḳhudā ne tumheñ banāyā hai

jhūTī bātoñ se dil bahaltā hai

sachchī bātoñ ne dil jalāyā hai

vaqt kī maar bhī ajab shai hai

achchhe achchhoñ ko hosh aayā hai

ġham jo 'parvez' dil kā mahram thā

vo bhī apnā nahīñ parāyā hai

jab bhi un ka KHayal aaya hai

dil pe kaif-o-surur chhaya hai

log phulon ko bhi masalte hain

hum ne kanTon se ghar sajaya hai

yun to KHushiyan bhi thin mohabbat mein

dard hi dil ke kaam aaya hai

har KHushi ek KHwab ho jaise

zindagi jaise koi saya hai

sara aalam nashe mein Dub gaya

tum ne aankhon se kya pilaya hai

uf tarasha hua hasin badan

KHud KHuda ne tumhein banaya hai

jhuTi baaton se dil bahalta hai

sachchi baaton ne dil jalaya hai

waqt ki mar bhi ajab shai hai

achchhe achchhon ko hosh aaya hai

gham jo 'parwez' dil ka mahram tha

wo bhi apna nahin paraya hai