jab bhi wo aasman-janab aae

jab bhī vo āsmāñ-janāb aa.e

saaya kartā huā sahāb aa.e

harf miTne lage haiñ zehnoñ se

phir koī sāhib-e-kitāb aa.e

jab ko Duube hue zamāna huā

yaad kuchh aise āftāb aa.e

zindagī bahr-e-be-karāñ hī sahī

ham to bas sūrat-e-habāb aa.e

jaise ḳhālī makāñ pe dastak ho

dar-o-dīvār se javāb aa.e

varaq-e-zindagī palaTte rahe

kāmrānī kā koī baab aa.e

saare mazmūñ mohabbatoñ par hoñ

kaash aisā koī nisāb aa.e

merī nārāzgī Thahar na sakī

haath meñ le ke vo gulāb aa.e

jab bhi wo aasman-janab aae

saya karta hua sahab aae

harf miTne lage hain zehnon se

phir koi sahib-e-kitab aae

jab ko Dube hue zamana hua

yaad kuchh aise aaftab aae

zindagi bahr-e-be-karan hi sahi

hum to bas surat-e-habab aae

jaise KHali makan pe dastak ho

dar-o-diwar se jawab aae

waraq-e-zindagi palaTte rahe

kaamrani ka koi bab aae

sare mazmun mohabbaton par hon

kash aisa koi nisab aae

meri naraazgi Thahar na saki

hath mein le ke wo gulab aae