jab bichhaDne ka faisla kiya tha

jab bichhaḌne kā faisla kiyā thā

ham ne aapas meñ mashvara kiyā thā

dasht ne qais se ka.ī din tak

merī vahshat kā tazkira kiyā thā

ḳhud-kushī kā bhī rāsta thā magar

ham ne jiine kā faisla kiyā thā

dushmanoñ ko bulā ke apne ghar

maiñ ne ik dost kā gila kiyā thā

merī har baat maan kar tum ne

mere haq meñ bahut burā kiyā thā

jab bichhaDne ka faisla kiya tha

hum ne aapas mein mashwara kiya tha

dasht ne qais se kai din tak

meri wahshat ka tazkira kiya tha

KHud-kushi ka bhi rasta tha magar

hum ne jine ka faisla kiya tha

dushmanon ko bula ke apne ghar

main ne ek dost ka gila kiya tha

meri har baat man kar tum ne

mere haq mein bahut bura kiya tha