jab chaha KHud ko shad ya nashad kar liya

jab chāhā ḳhud ko shaad yā nāshād kar liyā

apne liye fareb sā ījād kar liyā

kyā sochnā ki shauq kā anjām kyā huā

jab iḳhtiyār pesha-e-farhād kar liyā

ḳhud se chhupā ke ḳhud ko zamāne ke ḳhauf se

ham ne to apne aap ko barbād kar liyā

thā ishq kā havāla nayā ham ne is liye

mazmūn-e-dil ko phir se tab.a-zād kar liyā

yuuñ bhī panāh-e-sāya kaḌī dhuup meñ milī

āñkheñ jhukā.īñ aur tujhe yaad kar liyā

aayā nayā shu.ūr na.ī uljhanoñ ke saath

samjhe the ham ki zehn ko āzād kar liyā

bas ki imām-e-asr kā farmān thā yahī

muñh ham ne sū-e-qibla-e-azdād kar liyā

jab chaha KHud ko shad ya nashad kar liya

apne liye fareb sa ijad kar liya

kya sochna ki shauq ka anjam kya hua

jab iKHtiyar pesha-e-farhad kar liya

KHud se chhupa ke KHud ko zamane ke KHauf se

hum ne to apne aap ko barbaad kar liya

tha ishq ka hawala naya hum ne is liye

mazmun-e-dil ko phir se taba-zad kar liya

yun bhi panah-e-saya kaDi dhup mein mili

aankhen jhukain aur tujhe yaad kar liya

aaya naya shuur nai uljhanon ke sath

samjhe the hum ki zehn ko aazad kar liya

bas ki imam-e-asr ka farman tha yahi

munh hum ne su-e-qibla-e-azdad kar liya