jab chahe koi toD de aise to nahin hain

jab chāhe koī toḌ de aise to nahīñ haiñ

miTTī ke haiñ miTTī ke khilaune to nahīñ haiñ

be-mehrī-e-ahbāb kā shikva nahīñ mujh ko

ahbāb haiñ rahmat ke farishte to nahīñ haiñ

māthe pe shikan aur pareshān haiñ zulfeñ

ye aap kisī fikr meñ uljhe to nahīñ haiñ

in kaalī ghaTāoñ ko maiñ pahchān rahā huuñ

bādal jo garajte haiñ baraste to nahīñ haiñ

motī kī tarah aab haiñ chehroñ se numāyāñ

ye log kahīñ Duub ke ubhre to nahīñ haiñ

tadbīr se taqdīr kā rishta nahīñ miltā

ham haath dhare haath pe baiThe to nahīñ haiñ

kyā ġham hai jo dil aap kā toḌā hai kisī ne

duniyā meñ 'shamīm' aap akele to nahīñ haiñ

jab chahe koi toD de aise to nahin hain

miTTi ke hain miTTi ke khilaune to nahin hain

be-mehri-e-ahbab ka shikwa nahin mujh ko

ahbab hain rahmat ke farishte to nahin hain

mathe pe shikan aur pareshan hain zulfen

ye aap kisi fikr mein uljhe to nahin hain

in kali ghaTaon ko main pahchan raha hun

baadal jo garajte hain baraste to nahin hain

moti ki tarah aab hain chehron se numayan

ye log kahin Dub ke ubhre to nahin hain

tadbir se taqdir ka rishta nahin milta

hum hath dhare hath pe baiThe to nahin hain

kya gham hai jo dil aap ka toDa hai kisi ne

duniya mein 'shamim' aap akele to nahin hain