جب چاندنی میں چاند سے نظریں ملائیں گے

جب چاندنی میں چاند سے نظریں ملائیں گے

پریوں کی تم کو ایک کہانی سنائیں گے

تکتی ہے مجھ کو حسن کے پردے سے خود حیا

آداب عشق آپ کیا مجھ کو سکھائیں گے

چلتا ہے ساتھ ساتھ خموشی کا اک ہجوم

تھک کر گریں گے ہم تو صدائیں لگائیں گے

چھت پر ٹہل رہی ہے عجب سر پھری ہوا

جگنو اندھیری رات کو رستہ دکھائیں گے

پھر چل رہی ہے میری بھی چڑیوں سے گفتگو

فصل بہار آئی تو نغمیں سنائیں گے

اب تو کہیں عبیرؔ اداسی سے مل گلے

وقت شباب ہم بھی کئی گل کھلائیں گے