jab chale jaenge hum lauT ke sawan ki tarah

jab chale jā.eñge ham lauT ke sāvan kī tarah

yaad ā.eñge pratham pyaar ke chumban kī tarah

zikr jis dam bhī chhiḌā un kī galī meñ merā

jaane sharmā.e vo kyuuñ gaañv kī dulhan kī tarah

mere ghar koī ḳhushī aatī to kaise aatī

umr-bhar saath rahā dard mahājan kī tarah

koī kañghī na milī jis se sulajh paatī vo

zindagī uljhī rahī bramhā ke darshan kī tarah

daaġh mujh meñ hai ki tujhmeñ ye pata tab hogā

maut jab aa.egī kapḌe liye dhoban kī tarah

har kisī shaḳhs kī qismat kā yahī hai qissa

aa.e raaja kī tarah jaa.e vo nirdhan kī tarah

jis meñ insān ke dil kī na ho dhaḌkan 'nīraj'

shā.irī to hai vo aḳhbār ke katran kī tarah

jab chale jaenge hum lauT ke sawan ki tarah

yaad aaenge pratham pyar ke chumban ki tarah

zikr jis dam bhi chhiDa un ki gali mein mera

jaane sharmae wo kyun ganw ki dulhan ki tarah

mere ghar koi KHushi aati to kaise aati

umr-bhar sath raha dard mahajan ki tarah

koi kanghi na mili jis se sulajh pati wo

zindagi uljhi rahi bramha ke darshan ki tarah

dagh mujh mein hai ki tujhmen ye pata tab hoga

maut jab aaegi kapDe liye dhoban ki tarah

har kisi shaKHs ki qismat ka yahi hai qissa

aae raja ki tarah jae wo nirdhan ki tarah

jis mein insan ke dil ki na ho dhaDkan 'niraj'

shairi to hai wo aKHbar ke katran ki tarah