jab dekhiye aankhon mein kuchh ashk machalte hain

jab dekhiye āñkhoñ meñ kuchh ashk machalte haiñ

ye kaise musāfir haiñ rukte haiñ na chalte haiñ

ehsās kī shiddat se kuchh ashk nikalte haiñ

ye barf ke TukḌe haiñ garmī meñ pighalte haiñ

ḳhāmosh nigāhoñ ko ma.asūm na samjhā kar

soī huī maujoñ meñ tūfān bhī palte haiñ

is zulf kī ThanDak se inkār nahīñ lekin

ham log haiñ dīvāne angāroñ pe chalte haiñ

ai dekhne vaale tū jī bhar ke nazāra kar

ham bhī tire kūche se ik baar nikalte haiñ

tārīḳh-e-jahāñ koī likkhe bhī to kyā likkhe

sadiyoñ meñ to insāñ ke kirdār badalte haiñ

dekho dil-e-'tābāñ' meñ gunjā.isheñ kitnī haiñ

is farsh pe rah kar bhī ham arsh pe chalte haiñ

jab dekhiye aankhon mein kuchh ashk machalte hain

ye kaise musafir hain rukte hain na chalte hain

ehsas ki shiddat se kuchh ashk nikalte hain

ye barf ke TukDe hain garmi mein pighalte hain

KHamosh nigahon ko masum na samjha kar

soi hui maujon mein tufan bhi palte hain

is zulf ki ThanDak se inkar nahin lekin

hum log hain diwane angaron pe chalte hain

ai dekhne wale tu ji bhar ke nazara kar

hum bhi tere kuche se ek bar nikalte hain

tariKH-e-jahan koi likkhe bhi to kya likkhe

sadiyon mein to insan ke kirdar badalte hain

dekho dil-e-'taban' mein gunjaishen kitni hain

is farsh pe rah kar bhi hum arsh pe chalte hain