jab dhyan mein wo chand sa paikar utar gaya
jab dhyān meñ vo chāñd sā paikar utar gayā
tārīk shab ke siine meñ ḳhanjar utar gayā
jab sab pe band the mirī āñkhoñ ke rāste
phir kaise koī jism ke andar utar gayā
sāhil pe Dar gayā thā maiñ lahroñ ko dekh kar
jab ġhota-zan huā to samundar utar gayā
ik bhī lakīr haath pe baaqī nahīñ rahī
dast-e-talab se naqsh-e-muqaddar utar gayā
vo aa.ine ke sāmne kyā rūnumā hue
saada varaq ke rañg kā manzar utar gayā
chehre kī tez dhaar bhī bekār ho ga.ī
jab chashm-e-āb-dār se jauhar utar gayā
kis darja dil-fareb thī daane kī shakl bhī
panchhī hare shajar se zamīñ par utar gayā
jab dhyan mein wo chand sa paikar utar gaya
tarik shab ke sine mein KHanjar utar gaya
jab sab pe band the meri aankhon ke raste
phir kaise koi jism ke andar utar gaya
sahil pe Dar gaya tha main lahron ko dekh kar
jab ghota-zan hua to samundar utar gaya
ek bhi lakir hath pe baqi nahin rahi
dast-e-talab se naqsh-e-muqaddar utar gaya
wo aaine ke samne kya runuma hue
sada waraq ke rang ka manzar utar gaya
chehre ki tez dhaar bhi bekar ho gai
jab chashm-e-ab-dar se jauhar utar gaya
kis darja dil-fareb thi dane ki shakl bhi
panchhi hare shajar se zamin par utar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
