جب ہار دیں ہمت تو مقدر نہیں ملتا

جب ہار دیں ہمت تو مقدر نہیں ملتا

جنگل میں بھٹکنے سے کبھی گھر نہیں ملتا

پر کیف نظارے تو بہت سے ہیں جہاں میں

لیکن ترے دیدار کا منظر نہیں ملتا

جو مل نہ سکا اس کا میں غم کس لیے کرتا

انسان جو چاہے اسے اکثر نہیں ملتا

حیراں ہوں کہ ہر شخص یہاں سنگ نما ہے

کہتے تھے کہ اس شہر میں پتھر نہیں ملتا

یہ کھیل مقدر کا سمجھ سے مری بالا

کھو جاتا ہے رستہ کبھی رہبر نہیں ملتا

ہر سانس اکھڑتی ہوئی یہ پوچھ رہی ہے

پہلے سا سکون اب ترے اندر نہیں ملتا

جو غیر کے غم میں بھی بپھر جائے اے ثاقبؔ

ہر آنکھ میں تو ایسا سمندر نہیں ملتا