jab haar den himmat to muqaddar nahin milta

jab haar deñ himmat to muqaddar nahīñ miltā

jangal meñ bhaTakne se kabhī ghar nahīñ miltā

pur-kaif nazāre to bahut se haiñ jahāñ meñ

lekin tire dīdār kā manzar nahīñ miltā

jo mil na sakā us kā maiñ ġham kis liye kartā

insān jo chāhe use aksar nahīñ miltā

hairāñ huuñ ki har shaḳhs yahāñ sang-numā hai

kahte the ki is shahr meñ patthar nahīñ miltā

ye khel muqaddar kā samajh se mirī baalā

kho jaatā hai rasta kabhī rahbar nahīñ miltā

har saañs ukhaḌtī huī ye pūchh rahī hai

pahle sā sukūn ab tire andar nahīñ miltā

jo ġhair ke ġham meñ bhī biphar jaa.e ai 'sāqib'

har aañkh meñ to aisā samundar nahīñ miltā

jab haar den himmat to muqaddar nahin milta

jangal mein bhaTakne se kabhi ghar nahin milta

pur-kaif nazare to bahut se hain jahan mein

lekin tere didar ka manzar nahin milta

jo mil na saka us ka main gham kis liye karta

insan jo chahe use aksar nahin milta

hairan hun ki har shaKHs yahan sang-numa hai

kahte the ki is shahr mein patthar nahin milta

ye khel muqaddar ka samajh se meri baala

kho jata hai rasta kabhi rahbar nahin milta

har sans ukhaDti hui ye puchh rahi hai

pahle sa sukun ab tere andar nahin milta

jo ghair ke gham mein bhi biphar jae ai 'saqib'

har aankh mein to aisa samundar nahin milta