jab hamari zindagi ka KHatm afsana hua
jab hamari zindagi ka KHatm afsana hua
Jameela Khatoon Tasneem
MORE BYJameela Khatoon Tasneem
jab hamārī zindagī kā ḳhatm afsāna huā
us ghaḌī sad-haif un kā ḳhair se aanā huā
aap to hañste rahe ham ro ke rusvā ho ga.e
sham.a to chaltī rahī pāmāl parvāna huā
merī barbādī ke charche sun ke kis kis naaz se
pūchhte haiñ muskurā kar kaun dīvāna huā
dahr meñ ab muskurāne kī hameñ fursat nahīñ
dil hujūm-e-ġham banā ġham āh-e-afsāna huā
tū na hotā to zamīn-o-āsmāñ kuchh bhī na thā
tere qadmoñ kī badaulat merā kāshāna huā
ai karam-farmā tujhe ho ilm us kā yā na ho
kaun tujh meñ kho ke aur phir ḳhud se begāna huā
ham hī ik tanhā nahīñ 'tasnīm' mastāne hue
un kī nazreñ kyā uThīñ har riñd mastāna huā
jab hamari zindagi ka KHatm afsana hua
us ghaDi sad-haif un ka KHair se aana hua
aap to hanste rahe hum ro ke ruswa ho gae
shama to chalti rahi pamal parwana hua
meri barbaadi ke charche sun ke kis kis naz se
puchhte hain muskura kar kaun diwana hua
dahr mein ab muskurane ki hamein fursat nahin
dil hujum-e-gham bana gham aah-e-afsana hua
tu na hota to zamin-o-asman kuchh bhi na tha
tere qadmon ki badaulat mera kashana hua
ai karam-farma tujhe ho ilm us ka ya na ho
kaun tujh mein kho ke aur phir KHud se begana hua
hum hi ek tanha nahin 'tasnim' mastane hue
un ki nazren kya uThin har rind mastana hua
- Book : Pathan Shayraat ka Tazkira (Pg. 109)
- Author : Khan Mohammad Atif
- Publication : Khan Mohammad Atif (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
