jab itni jaan se mohabbat baDha ke rakkhi thi
jab itnī jaañ se mohabbat baḌhā ke rakkhī thī
to kyuuñ qarīb-e-havā sham.a lā ke rakkhī thī
falak ne bhī na Thikānā kahīñ diyā ham ko
makāñ kī niiv zamīñ se haTā ke rakkhī thī
zarā phuvār paḌī aur aable ug aa.e
ajiib pyaas badan meñ dabā ke rakkhī thī
agarche ḳhema-e-shab kal bhī thā udaas bahut
kam-az-kam aag to ham ne jalā ke rakkhī thī
vo aisā kyā thā ki nā-mutma.in bhī the us se
usī se aas bhī ham ne lagā ke rakkhī thī
ye āsmān 'zafar' ham pe be-sabab TuuTā
uḌaan kaun sī ham ne bachā ke rakkhī thī
jab itni jaan se mohabbat baDha ke rakkhi thi
to kyun qarib-e-hawa shama la ke rakkhi thi
falak ne bhi na Thikana kahin diya hum ko
makan ki niw zamin se haTa ke rakkhi thi
zara phuwar paDi aur aable ug aae
ajib pyas badan mein daba ke rakkhi thi
agarche KHema-e-shab kal bhi tha udas bahut
kam-az-kam aag to hum ne jala ke rakkhi thi
wo aisa kya tha ki na-mutmain bhi the us se
usi se aas bhi hum ne laga ke rakkhi thi
ye aasman 'zafar' hum pe be-sabab TuTa
uDan kaun si hum ne bacha ke rakkhi thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
