jab jab wo sar-e-tur-e-tamanna nazar aaya

jab jab vo sar-e-tūr-e-tamannā nazar aayā

maiñ kaise kahūñ vo mujhe kyā kyā nazar aayā

hastī ke dar-o-bast kā maarā nazar aayā

har shaḳhs tamāsha hī tamāshā nazar aayā

dekhā jo zamāne ko kabhī achchhī nazar se

jo bhī nazar aayā hameñ achchhā nazar aayā

ka.abe meñ jo dekhā vahī but-ḳhāne meñ paayā

jaisā vo mire dil meñ thā vaisā nazar aayā

kyā ye bhī mohabbat ke taqāzoñ meñ hai shāmil

dariyā meñ nazar aayā to sahrā nazar aayā

auroñ pe baḌhe sañg-e-malāmat jo liye ham

har chehre meñ kyoñ apnā hī chehra nazar aayā

DhūñDā hī nahīñ ham ne tumhārā koī ham-sar

haañ tum kaho tum ko koī ham sā nazar aayā

yuuñ aur bahut aib haiñ 'sarvar' meñ va-lekin

kam-baḳht mohabbat meñ tū yaktā nazar aayā

jab jab wo sar-e-tur-e-tamanna nazar aaya

main kaise kahun wo mujhe kya kya nazar aaya

hasti ke dar-o-bast ka mara nazar aaya

har shaKHs tamasha hi tamasha nazar aaya

dekha jo zamane ko kabhi achchhi nazar se

jo bhi nazar aaya hamein achchha nazar aaya

kabe mein jo dekha wahi but-KHane mein paya

jaisa wo mere dil mein tha waisa nazar aaya

kya ye bhi mohabbat ke taqazon mein hai shamil

dariya mein nazar aaya to sahra nazar aaya

auron pe baDhe sang-e-malamat jo liye hum

har chehre mein kyon apna hi chehra nazar aaya

DhunDa hi nahin hum ne tumhaara koi ham-sar

han tum kaho tum ko koi hum sa nazar aaya

yun aur bahut aib hain 'sarwar' mein wa-lekin

kam-baKHt mohabbat mein tu yakta nazar aaya