jab kali koi muskuraati hai

jab kalī koī muskurātī hai

jaane kyoñ terī yaad aatī hai

sar paTaktī haiñ maujeñ sāhil par

jab mirī naav Dagmagātī hai

tū hai yā terī yaad hai ai dost

koī shai dil ko gudgudātī hai

un se kyā kahiye mudda.ā dil kā

baat kahne se baat jaatī hai

mere sāz-e-hayāt par har dam

maut mīThe suroñ meñ gaatī hai

jab se baḳhshā hai tum ne ġham mujh ko

vus.at-e-qalb baḌhtī jaatī hai

azm-e-mohkam bhī ho agar hamrāh

ḳhair-maqdam ko manzil aatī hai

jo ḳhudī ko buland rakhte haiñ

sar pe duniyā unheñ biThātī hai

is tavaqqo pe jī rahā huuñ 'bahār'

jaise ab aarzū bar aatī hai

jab kali koi muskuraati hai

jaane kyon teri yaad aati hai

sar paTakti hain maujen sahil par

jab meri naw Dagmagati hai

tu hai ya teri yaad hai ai dost

koi shai dil ko gudgudati hai

un se kya kahiye muddaa dil ka

baat kahne se baat jati hai

mere saz-e-hayat par har dam

maut miThe suron mein gati hai

jab se baKHsha hai tum ne gham mujh ko

wusat-e-qalb baDhti jati hai

azm-e-mohkam bhi ho agar hamrah

KHair-maqdam ko manzil aati hai

jo KHudi ko buland rakhte hain

sar pe duniya unhen biThati hai

is tawaqqo pe ji raha hun 'bahaar'

jaise ab aarzu bar aati hai