جب کمی آئی ذرا سی قہر میں

جب کمی آئی ذرا سی قہر میں

آ گیا طوفان سارے بحر میں

جنگلوں میں ہیں ابھی انساں کئی

بس رہے ہیں سانپ کتنے شہر میں

قتل بھی اخلاص سے خالی نہیں

شہد شامل کر رہا ہے زہر میں

ہر کوئی کھویا ہوا ہے ذات میں

مست ہے گل رنگ و بو کے سحر میں

غربتوں کی دھوپ میں دیکھے گا کون

چاند بھی آ جائے گر دوپہر میں

تھا وہ کتنے پنچھیوں کا اک کفیل

مار کے پھینکا گیا جو نہر میں

آنکھ میں وہ اشک لے آیا خضرؔ

میں نے دیکھا بحر کو اک دہر میں