jab kami aai zara si qahr mein

jab kamī aa.ī zarā sī qahr meñ

aa gayā tūfān saare bahr meñ

jañgaloñ meñ haiñ abhī insāñ ka.ī

bas rahe haiñ saañp kitne shahr meñ

qatl bhī iḳhlās se ḳhālī nahīñ

shahd shāmil kar rahā hai zahr meñ

har koī khoyā huā hai zaat meñ

mast hai gul rang-o-bū ke sehr meñ

ġhurbatoñ kī dhuup meñ dekhegā kaun

chāñd bhī aa jaa.e gar dopahr meñ

thā vo kitne panchhiyoñ kā ik kafīl

maar ke pheñkā gayā jo nahr meñ

aañkh meñ vo ashk le aaya 'ḳhizar'

maiñ ne dekhā bahr ko ik dahr meñ

jab kami aai zara si qahr mein

aa gaya tufan sare bahr mein

jangalon mein hain abhi insan kai

bas rahe hain sanp kitne shahr mein

qatl bhi iKHlas se KHali nahin

shahd shamil kar raha hai zahr mein

har koi khoya hua hai zat mein

mast hai gul rang-o-bu ke sehr mein

ghurbaton ki dhup mein dekhega kaun

chand bhi aa jae gar dopahr mein

tha wo kitne panchhiyon ka ek kafil

mar ke phenka gaya jo nahr mein

aankh mein wo ashk le aaya 'KHizar'

main ne dekha bahr ko ek dahr mein