jab ki nazar talash fareb-e-nazar mila

jab kī nazar talāsh fareb-e-nazar milā

dād-e-hunar ke naam pe zaḳhm-e-hunar milā

ḳhud apne sar pe apnī salībeñ uThā chalo

āvārgān-e-shahr ko kār-e-digar milā

in.aam qad kī nashv-o-numā se mukar gayā

dastār to milī hai magar kis ko sar milā

tum mil sake na tark-e-ta.alluq ke baad phir

yādoñ kā ik hujūm mujhe umr bhar milā

mere dil-e-tabāh ne sau sau jatan kiye

jo nusḳha-e-vafā bhī milā be-asar milā

tum jis qadar ġhurūr se nashsha-ba-sar mile

haañ itne hī ḳhulūs se maiñ sar-ba-sar milā

jab ki nazar talash fareb-e-nazar mila

dad-e-hunar ke nam pe zaKHm-e-hunar mila

KHud apne sar pe apni saliben uTha chalo

aawargan-e-shahr ko kar-e-digar mila

inam qad ki nashw-o-numa se mukar gaya

dastar to mili hai magar kis ko sar mila

tum mil sake na tark-e-talluq ke baad phir

yaadon ka ek hujum mujhe umr bhar mila

mere dil-e-tabah ne sau sau jatan kiye

jo nusKHa-e-wafa bhi mila be-asar mila

tum jis qadar ghurur se nashsha-ba-sar mile

han itne hi KHulus se main sar-ba-sar mila