jab kisi yaad ke mandir mein gajar bol paDa

jab kisī yaad ke mandir meñ gajar bol paḌā

ik mo.azzin bhī sar-e-vaqt-e-sahar bol paḌā

dekh kar mere ḳhad-o-ḳhāl ko ik ā.īna

kitnā ḳhāmosh tabī.at thā magar bol paḌā

roz chup-chāp vo raste se guzar jaatā hai

aur maiñ sochtā rahtā huuñ agar bol paḌā

mere aane kī ḳhushī thī ki taġhāful kā gila

ek muddat se jo ḳhāmosh thā dar bol paḌā

phir fazāoñ meñ suḳhan gholne bādal aa.e

phir chalī tez havā aur shajar bol paḌā

jab kisi yaad ke mandir mein gajar bol paDa

ek moazzin bhi sar-e-waqt-e-sahar bol paDa

dekh kar mere KHad-o-KHal ko ek aaina

kitna KHamosh tabiat tha magar bol paDa

roz chup-chap wo raste se guzar jata hai

aur main sochta rahta hun agar bol paDa

mere aane ki KHushi thi ki taghaful ka gila

ek muddat se jo KHamosh tha dar bol paDa

phir fazaon mein suKHan gholne baadal aae

phir chali tez hawa aur shajar bol paDa