جب کوئی لفظ اپنی زباں سے نکل گیا

جب کوئی لفظ اپنی زباں سے نکل گیا

سمجھو کہ جیسے تیر کماں سے نکل گیا

اک روشنی تھی تیر کے بانہوں میں آ گئی

دنیا کا رنج وہم و گماں سے نکل گیا

اب علم و آگہی کی کرامت تو دیکھیے

کل تک جو تھا زمیں پہ زماں سے نکل گیا

اس کو نہ کوئی غم نہ زمانے کی فکر ہے

جو لالچ و ہوس کی دکاں سے نکل گیا

پرکھا قریب سے تو عیاں مجھ پہ ہو گیا

پھر یار میرا حسن بیاں سے نکل گیا

باسطؔ بچھڑ کے آیا ہوں اک دوست سے ابھی

اک شخص آج میرے جہاں سے نکل گیا