jab likha humne KHat ashkon se hua tar kaghaz

jab likhā ham ne ḳhat ashkoñ se huā tar kāġhaz

yuuñ hī har roz talaf hote haiñ aksar kāġhaz

vo paḌheñ bhī to khule kyā mire maktūb kā haal

hai siyah fart-e-nigārish se sarāsar kāġhaz

husn-e-ḳhat se mire itnā mutajjib kyoñ hai

ḳhat likhā hai tirī tasvīr pe rakh kar kāġhaz

ḳhat meñ andoh-e-girāñbāri-e-ġham likhtā huuñ

toḌ Daale na kahīñ bāl-e-kabūtar kāġhaz

jab likha hum ne KHat ashkon se hua tar kaghaz

yun hi har roz talaf hote hain aksar kaghaz

wo paDhen bhi to khule kya mere maktub ka haal

hai siyah fart-e-nigarish se sarasar kaghaz

husn-e-KHat se mere itna mutajjib kyon hai

KHat likha hai teri taswir pe rakh kar kaghaz

KHat mein andoh-e-giranbari-e-gham likhta hun

toD Dale na kahin baal-e-kabutar kaghaz