جب مئے لالہ فام ہوتی ہے
جب مئے لالہ فام ہوتی ہے
مجھ کو توبہ حرام ہوتی ہے
خوبرو وہ ہے جس کی خو اچھی
شمع صورت حرام ہوتی ہے
یہ سنا ہے کہ برہمن سے بھی
شیخ کی رام رام ہوتی ہے
تیرا وعدہ ہے کس قیامت کا
رات دن صبح و شام ہوتی ہے
ہجر کا دن ڈھلے تو ہم جانیں
صبح کے بعد شام ہوتی ہے
پہلے اے داغؔ کچھ نہ ہوش آیا
دل کی اب روک تھام ہوتی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
