jab mere ghar ke pas kahin bhi nagar na tha

jab mere ghar ke paas kahīñ bhī nagar na thā

to is tarah kā raah meñ luTne kā Dar na thā

jañgal meñ jañgaloñ kī tarah kā safar na thā

sūrat meñ aadmī kī koī jānvar na thā

aañsū sā gir ke aañkh se maiñ sochtā rahā

itnā to apne-āp se maiñ be-ḳhabar na thā

ik baar ḳhud ko ġhaur se dekhā to ye milā

maiñ sirf ek dhaḌ thā mire dhaḌ pe sar na thā

hoñToñ pe aa.ī aur 'kuñvar' kāñptī rahī

ik baat jis kā dil pe koī bhī asar na thā

jab mere ghar ke pas kahin bhi nagar na tha

to is tarah ka rah mein luTne ka Dar na tha

jangal mein jangalon ki tarah ka safar na tha

surat mein aadmi ki koi jaanwar na tha

aansu sa gir ke aankh se main sochta raha

itna to apne-ap se main be-KHabar na tha

ek bar KHud ko ghaur se dekha to ye mila

main sirf ek dhaD tha mere dhaD pe sar na tha

honTon pe aai aur 'kunwar' kanpti rahi

ek baat jis ka dil pe koi bhi asar na tha