جب میرے قبیلے کے تمہیں لوگ ملیں گے

جب میرے قبیلے کے تمہیں لوگ ملیں گے

آنکھوں میں بسیں گے تو کبھی دل میں رہیں گے

آؤ تو ذرا دیکھو وفا زادوں کی بستی

ہر کوچے میں یاں لوگ وفادار ملیں گے

کیا لکھا ہے تقدیر میں یہ رب کو ہے معلوم

کچھ روز تو ہم تیرے لیے خواب بنیں گے

اس عشق کی کٹھنائی سے اکتائے ہوئے لوگ

مر جائیں گے لیکن یہ محبت نہ کریں گے

یہ جان لیں احباب مری ماں کی دعا ہے

بہلانے کو دل چاند ستارے بھی جھکیں گے

یہ سچ ہے انا اپنی ہمیں جان سے پیاری

مٹ جائیں گے اس کا کبھی سودا نہ کریں گے