jab mere qabile ke tumhein log milenge

jab mere qabīle ke tumheñ log mileñge

āñkhoñ meñ baseñge to kabhī dil meñ raheñge

aao to zarā dekho vafā-zādoñ kī bastī

har kūche meñ yaañ log vafādār mileñge

kyā likkhā hai taqdīr meñ ye rab ko hai ma.alūm

kuchh roz to ham tere liye ḳhvāb buneñge

is ishq kī kaThinā.ī se uktā.e hue log

mar jā.eñge lekin ye mohabbat na kareñge

ye jaan leñ ahbāb mirī maañ kī duā hai

bahlāne ko dil chāñd sitāre bhī jhukeñge

ye sach hai anā apnī hameñ jaan se pyārī

miT jā.eñge is kā kabhī saudā na kareñge

jab mere qabile ke tumhein log milenge

aankhon mein basenge to kabhi dil mein rahenge

aao to zara dekho wafa-zadon ki basti

har kuche mein yan log wafadar milenge

kya likkha hai taqdir mein ye rab ko hai malum

kuchh roz to hum tere liye KHwab bunenge

is ishq ki kaThinai se uktae hue log

mar jaenge lekin ye mohabbat na karenge

ye jaan len ahbab meri man ki dua hai

bahlane ko dil chand sitare bhi jhukenge

ye sach hai ana apni hamein jaan se pyari

miT jaenge is ka kabhi sauda na karenge