جب مرے جذبات کو چھو کر گزر جاتی ہے رات

جب مرے جذبات کو چھو کر گزر جاتی ہے رات

آگ سی گویا مری رگ رگ میں بھر جاتی ہے رات

سب یہ کہتے ہیں کہ باتوں میں گزر جاتی ہے رات

مُجھ کو تنہا پا کے جانے کیوں ٹھہر جاتی ہے رات

جب کبھی اپنی ضرورت سے نکل جاتی ہوں میں

کنبہ والوں میں مجھے بدنام کر جاتی ہے رات

سچ تو یہ ہے دن دہاڑے جن کا ہونا ہے محال

پردے پردے میں وہ سارے کام کر جاتی ہے رات

اس نگوڑی کا تو دنیا سے نرالا ہے چلن

پھیلتی ٹھنڈک سے گرمی سے ٹھٹھر جاتی ہے رات