jab muKhaalif mera raaz-dan ho gaya
jab muḳhālif mirā rāz-dāñ ho gayā
rāz-e-sar-basta sab par ayaañ ho gayā
mujh ko ehsās-e-sharmindagī hai bahut
qissa-e-dard kaise bayāñ ho gayā
kitnī hasrat se taktī rahī har ḳhushī
aur dāman mirā dhajjiyāñ ho gayā
mas.ala ban ga.ī fikr tafhīm kā
lafz kā husn bhī rā.egāñ ho gayā
log ye soch ke hī pareshān haiñ
maiñ zamīñ thā to kyuuñ āsmāñ ho gayā
shikva-sanjān-e-tanhā.ī haiñ sab ke sab
merā ġham bhī ġham-e-do-jahāñ ho gayā
peḌ kyā mere āñgan kā 'aḳhtar' girā
log samjhe ki maiñ be-amāñ ho gayā
jab muKHalif mera raaz-dan ho gaya
raaz-e-sar-basta sab par ayan ho gaya
mujh ko ehsas-e-sharmindagi hai bahut
qissa-e-dard kaise bayan ho gaya
kitni hasrat se takti rahi har KHushi
aur daman mera dhajjiyan ho gaya
masala ban gai fikr tafhim ka
lafz ka husn bhi raegan ho gaya
log ye soch ke hi pareshan hain
main zamin tha to kyun aasman ho gaya
shikwa-sanjaan-e-tanhai hain sab ke sab
mera gham bhi gham-e-do-jahan ho gaya
peD kya mere aangan ka 'aKHtar' gira
log samjhe ki main be-aman ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
