jab nashat-e-alam nahin hota
jab nashāt-e-alam nahīñ hotā
jām-e-jam jām-e-jam nahīñ hotā
jaane kyuuñ terī be-ruḳhī se bhī
dil ko ab koī ġham nahīñ hotā
aa gayā huuñ tire huzūr magar
fāsla phir bhī kam nahīñ hotā
vo masarrat talāsh kartā hai
jis ko irfān-e-ġham nahīñ hotā
umr bhar tujh ko dekhne par bhī
zauq-e-nazzāra kam nahīñ hotā
kyā kahūñ dil ko kyā huā 'rif.at'
dāman-e-chashm nam nahīñ hotā
jab nashat-e-alam nahin hota
jam-e-jam jam-e-jam nahin hota
jaane kyun teri be-ruKHi se bhi
dil ko ab koi gham nahin hota
aa gaya hun tere huzur magar
fasla phir bhi kam nahin hota
wo masarrat talash karta hai
jis ko irfan-e-gham nahin hota
umr bhar tujh ko dekhne par bhi
zauq-e-nazzara kam nahin hota
kya kahun dil ko kya hua 'rifat'
daman-e-chashm nam nahin hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
