jab nazar jaan0b-e-asbab-e-fana karte hain

jab nazar jān0b-e-asbāb-e-fanā karte haiñ

pahle ham apnī taraf dekh liyā karte haiñ

jin ko hai tauq-o-salāsil ke taqāzoñ kā shu'ūr

vahī pābandi-e-ā.īn-e-vafā karte haiñ

kaash ham ko bhī batā deñ ye batāne vaale

choT lagtī hai koī dil pe to kyā karte haiñ

tarjumānī kā vasīla to haiñ dar-asl ye ashk

dil ke matlab ko ham āñkhoñ se adā karte haiñ

tuhmat-e-'ishq kahāñ aur kahāñ ye mā'sūm

muft badnām 'munavvar' ko kiyā karte haiñ

jab nazar jaan0b-e-asbab-e-fana karte hain

pahle hum apni taraf dekh liya karte hain

jin ko hai tauq-o-salasil ke taqazon ka shu'ur

wahi pabandi-e-ain-e-wafa karte hain

kash hum ko bhi bata den ye batane wale

choT lagti hai koi dil pe to kya karte hain

tarjumani ka wasila to hain dar-asl ye ashk

dil ke matlab ko hum aankhon se ada karte hain

tuhmat-e-'ishq kahan aur kahan ye ma'sum

muft badnam 'munawwar' ko kiya karte hain