jab palak jhapke to manzar ka waraq ban jae hai

jab palak jhapke to manzar kā varaq ban jaa.e hai

dil meñ kuchh aa.e nazar bāhar nazar kuchh aa.e hai

chup kā sīdhā peḌ hai bolo to jhuktā jaa.e hai

haa.e chhūne kī tamannā jo mujhe taḌpā.e hai

sardiyoñ kī lambī rāteñ oḌh kar so jaa.e hai

din ke sūraj ke ḳhayāloñ hī se dil garmā.e hai

yaad kī ḳhushbū se apne jism ko mahkā.e hai

vo parī-paikar jo mere naam se sharmā.e hai

har ghaḌī har aan bijlī kī tarah lahrā.e hai

merī kachchī koTharī meñ jhāñk kar rah jaa.e hai

zaat ke ġhāroñ meñ chhup kar hī koī bahlā.e hai

raushnī meñ jism kī ḳhvāhish mujhe le aa.e hai

chūḌiyoñ kī bañsarī par raag 'mājid' gaa.e hai

ghup añdhere meñ sadā us kī badan ban jaa.e hai

jab palak jhapke to manzar ka waraq ban jae hai

dil mein kuchh aae nazar bahar nazar kuchh aae hai

chup ka sidha peD hai bolo to jhukta jae hai

hae chhune ki tamanna jo mujhe taDpae hai

sardiyon ki lambi raaten oDh kar so jae hai

din ke suraj ke KHayalon hi se dil garmae hai

yaad ki KHushbu se apne jism ko mahkae hai

wo pari-paikar jo mere nam se sharmae hai

har ghaDi har aan bijli ki tarah lahrae hai

meri kachchi koThari mein jhank kar rah jae hai

zat ke ghaaron mein chhup kar hi koi bahlae hai

raushni mein jism ki KHwahish mujhe le aae hai

chuDiyon ki bansari par rag 'majid' gae hai

ghup andhere mein sada us ki badan ban jae hai