jab se apne aapko pahchanta hun main

jab se apne aap ko pahchāntā huuñ maiñ

parde meñ har libās ke uryāñ huā huuñ maiñ

mujh se milo ki maiñ huuñ zamāne kī raushnī

zulmat meñ āftāb kī sūrat paḌā huuñ maiñ

āñkheñ bhī hoñ to dekhnā āsāñ nahīñ mujhe

tābāniyoñ kī kohar meñ Duubā huā huuñ maiñ

ab apnī shakl DhūñDhtā phirtā huuñ chār-sū

tūfān-e-sad-nigāh meñ gum ho gayā huuñ maiñ

gahre samundaroñ kī tarah ḳhāmushī meñ gum

apnī sadā ke sehr se lab kholtā huuñ maiñ

lamhoñ kā lams kar gayā patthar mujhe 'nadīm'

lekin lahū kī aañch se hiirā banā huuñ maiñ

jab se apne aap ko pahchanta hun main

parde mein har libas ke uryan hua hun main

mujh se milo ki main hun zamane ki raushni

zulmat mein aaftab ki surat paDa hun main

aankhen bhi hon to dekhna aasan nahin mujhe

tabaniyon ki kohar mein Duba hua hun main

ab apni shakl DhunDhta phirta hun chaar-su

tufan-e-sad-nigah mein gum ho gaya hun main

gahre samundaron ki tarah KHamushi mein gum

apni sada ke sehr se lab kholta hun main

lamhon ka lams kar gaya patthar mujhe 'nadim'

lekin lahu ki aanch se hira bana hun main