جب سے دل میں سما گیا کوئی

جب سے دل میں سما گیا کوئی

ایک ہلچل مچا گیا کوئی

روگ جی کو لگا گیا کوئی

میری ہستی مٹا گیا کوئی

کھویا کھویا اداس رہتا ہوں

توڑ کر دل چلا گیا کوئی

پھر کوئی چوٹ لگ گئی دل پر

یک بہ یک یاد آ گیا کوئی

ایک بجلی سی گر پڑی دل پر

جب کبھی مسکرا گیا کوئی

اب یہ اشکوں سے بجھ نہیں سکتی

آگ ایسی لگا گیا کوئی

بے سبب اس جہاں میں جینے کی

دے کے مجھ کو دعا گیا کوئی

عشق کو جان کر بڑی نعمت

عشق مجھ سے جتا گیا کوئی

رات بھر جاگنے کی الفت میں

دے کے مجھ کو سزا گیا کوئی

میں اسے بے وفا نہیں کہتا

روٹھ کر گر چلا گیا کوئی

دے کے خوشیاں تمام عالم کو

غم کا رتبہ بڑھا گیا کوئی

درس جینے کا اک نیا رامشؔ

جاتے جاتے سکھا گیا کوئی