jab se hai wo raunaq-e-mahfil aankhon mein
jab se hai vo raunaq-e-mahfil āñkhoñ meñ
jaan laboñ par rahtī hai dil āñkhoñ meñ
suukh rahī hai jū-e-girya-e-gard-nishāñ
chubhne lagī hai ab ḳhāk-e-dil āñkhoñ meñ
hijr kī rāteñ arsa-e-be-ḳhvābī kā safar
kaaT rahā huuñ manzil manzil āñkhoñ meñ
ḳhuun kī lahreñ motī motī palkoñ par
niklā dil-dariyā kā sāhil āñkhoñ meñ
dekh rahā huuñ guzre vaqt kī tasvīreñ
utre haiñ yādoñ ke mahmil āñkhoñ meñ
jab se hai wo raunaq-e-mahfil aankhon mein
jaan labon par rahti hai dil aankhon mein
sukh rahi hai ju-e-girya-e-gard-nishan
chubhne lagi hai ab KHak-e-dil aankhon mein
hijr ki raaten arsa-e-be-KHwabi ka safar
kaT raha hun manzil manzil aankhon mein
KHun ki lahren moti moti palkon par
nikla dil-dariya ka sahil aankhon mein
dekh raha hun guzre waqt ki taswiren
utre hain yaadon ke mahmil aankhon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
