jab se is shahr-e-be-makan mein hun

jab se is shahr-e-be-makān meñ huuñ

maiñ tire ism kī amaan meñ huuñ

gumbad-e-sher meñ jo gūñjtī hai

maiñ usī dard kī azaan meñ huuñ

maiñ ne tanhā.iyoñ ko pā liyā hai

is liye ḳhvāb hī ke dhyān meñ huuñ

titliyāñ rañg chuntī rahtī haiñ

aur maiñ ḳhushbuoñ kī kaan meñ huuñ

vahshateñ ishq aur majbūrī

kyā kisī ḳhaas imtihān meñ huuñ

ḳhvāhisheñ saaya saaya bikhrī haiñ

aur maiñ dhuup ke makān meñ huuñ

maiñ huuñ paikān-e-dard ai 'ḳhurshīd'

aur ik yaad kī kamān meñ huuñ

jab se is shahr-e-be-makan mein hun

main tere ism ki aman mein hun

gumbad-e-sher mein jo gunjti hai

main usi dard ki azan mein hun

main ne tanhaiyon ko pa liya hai

is liye KHwab hi ke dhyan mein hun

titliyan rang chunti rahti hain

aur main KHushbuon ki kan mein hun

wahshaten ishq aur majburi

kya kisi KHas imtihan mein hun

KHwahishen saya saya bikhri hain

aur main dhup ke makan mein hun

main hun paikan-e-dard ai 'KHurshid'

aur ek yaad ki kaman mein hun