jab se junun-e-shauq ke mehwar badal gae

jab se junūn-e-shauq ke mehvar badal ga.e

chehroñ ke phuul qad ke sanobar badal ga.e

kyuuñ apne saath dīda-e-hairāñ ko le gayā

bachpan gayā to husn ke paikar badal ga.e

zahrāb-e-ishq pī na sake bul-havas kabhī

kahne kī baat hai ḳhum-o-sāgar badal ga.e

soyā to aañkh meñ tire sapne samā ga.e

jaagā to rañg ḳhvāb ke yaksar badal ga.e

ai umr-e-rafta luuT ke aa jā bas ek baar

aa jā ki sub.h-o-shām ke tevar badal ga.e

jab se junun-e-shauq ke mehwar badal gae

chehron ke phul qad ke sanobar badal gae

kyun apne sath dida-e-hairan ko le gaya

bachpan gaya to husn ke paikar badal gae

zahrab-e-ishq pi na sake bul-hawas kabhi

kahne ki baat hai KHum-o-sagar badal gae

soya to aankh mein tere sapne sama gae

jaga to rang KHwab ke yaksar badal gae

ai umr-e-rafta luT ke aa ja bas ek bar

aa ja ki subh-o-sham ke tewar badal gae