جب سے مرقوم ہو گیا ہوں میں
نقش مفہوم ہو گیا ہوں میں
ذلتوں نے پناہ مانگی ہے
اتنا مذموم ہو گیا ہوں میں
پوچھو مصلوب کرنے والوں سے
اب تو معصوم ہو گیا ہوں میں
جو ازل سے نہ تھا مقدر میں
اس سے محروم ہو گیا ہوں میں
کیسا موسم ہے اس علاقے کا
جس سے مسموم ہو گیا ہوں میں
اپنی قسمت سے مات کھا کر بھی
تیرا مقسوم ہو گیا ہوں میں
مسکراہٹ نگر میں اے اخترؔ
آ کے مغموم ہو گیا ہوں میں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
