jab se nasib mera Thikane pe aa gaya

jab se nasīb merā Thikāne pe aa gayā

ḳhud hī shikār merā nishāne pe aa gayā

pardā-nashīn parda-nashīnī meñ gum rahe

ilzām mere aañkh uThāne pe aa gayā

jis ko samajh rahā thā faqat āstīñ kā saañp

vo saañp mere dil ke ḳhazāne pe aa gayā

hāthoñ se us ke chhūT ga.iiñ raunaqeñ tamām

insān jab se aab pe daane pe aa gayā

tahqīq kī to apne muqābil thā merā aap

jab maiñ tabāhiyoñ ke dahāne pe aa gayā

ham ne lahū se jis ko jalāyā muñDer par

ab vo charāġh ghar ko jalāne pe aa gayā

'ārif-nazīr’ shauq se piine ko ā.eñge

tishna-laboñ ko tū jo pilāne pe aa gayā

jab se nasib mera Thikane pe aa gaya

KHud hi shikar mera nishane pe aa gaya

parda-nashin parda-nashini mein gum rahe

ilzam mere aankh uThane pe aa gaya

jis ko samajh raha tha faqat aastin ka sanp

wo sanp mere dil ke KHazane pe aa gaya

hathon se us ke chhuT gain raunaqen tamam

insan jab se aab pe dane pe aa gaya

tahqiq ki to apne muqabil tha mera aap

jab main tabahiyon ke dahane pe aa gaya

hum ne lahu se jis ko jalaya munDer par

ab wo charagh ghar ko jalane pe aa gaya

'arif-nazir’ shauq se pine ko aaenge

tishna-labon ko tu jo pilane pe aa gaya